Måndag 13. mai var det dugnad på bysta til Gerhard Voldnes ved parken i Fosnavåg og på grava til Sara Margrete Thoresen, kona til prost Hans Conrad Thoresen og mor til Suzanna Thoresen som var gift med Henrik Ibsen. Flott innsats frå dugnadsgjengen.

Måndag 6. mai hadde Herøy Rotary medlemsopptak av Mona Grete Ryssevik og Hans Kristian Opsal ved seremonimeisterane Bjørn-Martin Aasen og Roar Skoglund. Velkommen til dei. Vi hadde også ein jubilant, Per Worren, som nyss feira 75. Han fekk overrakt ein flott blomsterbukett av president Leif Jon Hansen. Deretter hadde Bjørn-Martin Aasen eit foredrag om "Eit liv som doktor i Herøy... og litt til" som tok oss på ei reise i ei fantastisk og innhaldsrikt livshistorie som samtidig var ei utviklingshistorie over den norske velferdsstaten. Utruleg spennande og lærerikt!

Måndag 22.04. fekk Herøy Rotary omvisning på Smådal Mekaniske As. Arild Smådal og Frode Andreassen fortalde om oppstart og framtidsplanar, produksjon og nyvinningar. Medan vi fekk servert karamellpudding, vart der også delt nokre artige anekdoter. Ein interessant og lærerik (og smakfull) kveld hos ei imponerande verksemd.